އިންސާނީ އައްޑަނަ އެއްގެ ގޮތުގައި ފަލަސްޠީނުގެ ޣައްޒާއަށް ދިޔުމަށް އެމްޑީޕީން އިސްނެގުމަށް އެ ޕާޓީގެ ވަގުތީ ރައީސް ނަޝީދު ގޮވާލައިފިއެވެ.
މިކަމަށް ގޮވާލާ ސިންގަޕޫރުގައި ހުންނަވައިގެން ކުރީގެ ރައީސް މުޙައްމަދު ނަޝީދު މިއަދު ކުރެއްވި ޓްވީޓެއްގައި ވިދާޅުވީ، މި ސަރުކާރަށް ޣައްޒާ އާއި އަޅާލެވެން ނެތް ކަމަށާއި ޣައްޒާގެ ސަލާމަތަށް އެމްޑީޕީން އިސް ނަގަން ޖެހޭ ކަމަށެވެ
އެހެން ކަމުން މޯލްޑިވިއަން ޑިމޮކްރަޓިކް ޕާޓީން އިސް ނަގައިގެން ފަލަސްތީނުގެ ޣައްޒާ ޙިމާޔަތް ކުރުމަށް އިންސާނީ އައްޑަނަ އެއް އެކުލަވާލައިގެން ޣައްޒާ އަށް ދިއުމަށް ޓަކައި ދަތުރު ހެދުމަށް އެމްޑީޕީން އިސްނެގުމަށް ނަޝީދު ވަނީ ގޮވާލައްވާފައެވެ.
Mi Sarukaarah Gaza aai alhaleveykah nei. Gaza ge salamathah "Insaanee Addana" eh ekulava, eh dhima ah dhathuru hedhuma MDP isnegumah edhen.
— Mohamed Nasheed (@MohamedNasheed) July 18, 2014
ސިންގަޕޫރުގައި ހުންނަވާ މީގެކުރިން ކުރެއްވި ޓުވީޓެއްގައި ވެސް ނަޝީދު ވަނީ އިސްރާއީލުން ޣައްޒާއަށް ހަމަލަދެމުން ގެންދާއިރު ޣައްޒާގެ ދިފާއުގައި ދިވެހި ސިފައިންގެ ފައުޖެއް ފޮނުވުމަށާއި، އެމްޑީޕީން ޣައްޒާއަށް ދާން ތައްޔާރަށް އޮތް ކަމަށް ވިދާޅުވެފައެވެ.
1943 ga Ceylon ge dhifau ga 12 Dhivehin dhiya. Miadhu Gaza ge dhifaaugai MNDF ge faujeh nudhaanvi sababeh neh.MDP mithibee dhaan thayyarah.
— Mohamed Nasheed (@MohamedNasheed) July 14, 2014
މީގެ އިތުރުން އެމްޑީޕީން އިސްވެ އޮވެގެން ޣައްޒާގެ ދިފާޢުގައި މުޒާހަރާ އެއްވެސް ކޮށްފައި ވާއިރު، ޢަދާލަތު ޕާޓީން ވަނީ އިޒްރޭލާ ދެކޮޅަށް ކުރާ މުޒާހަރާއެއްގައި ބައިވެރިވެ ވަޑައިގަންނަވާ ފޮޓޯއެއް ބައިނަލް އަޤްވާމީ މީޑިޔާއެއްގައި ޖަހާފާނެތީ ޔަހޫދީންނާއި ގާތް ގުޅުންތަކެއް ބާއްވަވާ ނަޝީދަށް އެފަދަ މުޒާހަރާއެއްގައި ބައިވެރިވެ ވަޑައިގަންނަވަން ވެސް ކެރިވަޑައި ނުގަންނަވާނެ ކަމަށް ބުނެފައެވެ.
ކޮމެންޓް (0)
ލޯޑް ކުރަމުން...