ދުނިޔޭގެ ތިމާވެށި ދުވަހާއި ގުޅިގެން މިނިސްޓްރީ އޮފް އެންވަޔަރމެންޓް އެންޑް އެނަރޖީއިން އިންތިޒާމްކޮށްގެން ބޭއްވި އަތުގުޅާލުމުގައި ސިފައިން ބައިވެރިވެއްޖެއެވެ.
ދިވެހި ސިފައިން އަތުގުޅާލައިގެން
މިއަދު ހަވީރު ޖުމްހޫރީ މައިދާނުގައި ބޭއްވި މިއަތުގުޅާލުމަކީ ދިވެހިރާއްޖެއިން ތިމާވެއްޓަށްދޭ ސަމާލުކަން ދައްކުވައިދިނުމަށްޓަކާ ބޭއްވި ހަރަކާތެކެވެ. ދުނިޔޭގެ ތިމާވެށި ދުވަހާއި ގުޅިގެން އެންވަޔަރމިނިސްޓްރީއިން ހިންގާ މިފަދަ ހަރަކާތްތަކުގެ ފޮޓޯއާއި ވީޑިއޯ ތިމާވެއްޓާއި ބެހޭގޮތުން އދ ގައި ބާއްވާ ކޮންފަރެންސްގައި ހުށަހެޅުމަށްވަނީ ހަމަޖެހިފައެވެ. މިއަތުގުޅާލުމުގައި ސިފައިންގެ އިތުރުން މިނިވަން މުއައްސަސާތަކާއި މޯލްޑިވްސް ޕޮލިސް ސަރވިސްއާއި ސްކައުޓް އެސޯސިއޭޝަންއާއި އަދި ބައެއް ޕްރައިވެޓް ކުންފުނިތަކާއި އަމިއްލަ ޖަމްޢިއްޔާތަކުންވެސް ބައިވެރިވިއެވެ.
ކޮމެންޓް (0)
ލޯޑް ކުރަމުން...