އިލްމުވެރިންގެ މަހާސިންތާގެ ތެރެއިން -- ދިއިސްލާމް ފޮޓޯ: އިބްރާހިމް އަޝްވާގު
ދީނީ އިލްމުވެރިންގެ ދެވަނަ މަހާސިންތާއެއް އަންނަ ޖުލައި މަހު ބޭއްވުމަށް ހަމަޖައްސާފައިވާކަމަށް އިސްލާމިކް މިނިސްޓަރ އައްޝައިޚް މުހައްމަދު ޝަހީމު އަލީ ސައީދު ވިދާޅުވެއްޖެއެވެ.
މިނިސްޓަރ ވިދާޅުވީ މަހާސިންތާ ބޭއްވުމަށް ތައްޔާރުވަމުން އަންނަކަމަށާއި އެ މަހާސިންތާ މައިގަނޑު އަމާޒުކުރާނީ އިސްލާމްދީނާމެދު ބައެއް ފަރާތްތަކުންކުރާ ކުށްހީ ތަކުގެ މައްޗަށް ކަމަށެވެ.
މި މަހާސިންތާ އިފްތިތާހު ކޮށްދެއްވުމަށް ބޭރުގެ އިލްމުވެރިން ގެންނަން ފޮރިން މިނިސްޓްރީއާ މަޝްވަރާކުރައްވަމުން ގެންދަވާކަމަށާއި އަދި ބޭރުގެ އެކި ފަރާތްތަކަށް ދައުވަތު ދެއްވާނެކަމަށް މިނިސްޓަރ ވިދާޅުވިއެވެ.
މީގެއިތުރުން ޖުލައި މަހު ބޭއްވުމަށް މަސައްކަތްކުރާ މަހާސިންތާ އަޑު އެހުމަށް އާންމުންނަށާއި ނޫސްވެރިންނަށް ހުޅުވާލައްވާނެކަމަށް އިސްލާމިކް މިނިސްޓަރ މުހައްމަދު ޝަހީމު ވިދާޅުވިއެވެ.
2011 ވަނަ އަހަރު ޑިސެމްބަރ 31 އިން މިއަހަރު ޖެނުއަރީ މަހުގެ 1 އަށް އިސްލާމީ މަރުކަޒުގެ ޖަލްސާކުރާ މާލަމުގައި ބޭއްވި އިލްމުވެރިންގެ މަހާސިންތާގައި 60 އަށް ވުރެ ގިނަ އިލްމުވެރިން ބައިވެރިވެފައިވެއެވެ. އަދި އެ މަހާސިންތާގައި ތަފާތު މައުޟޫތަކަށް ވާހަކަ ދެކެވި ކަރުދާސްތައް ހުށައަޅާފައިވެއެވެ.
ކޮމެންޓް (0)
ލޯޑް ކުރަމުން...