ވަގަށް ނަގާފައިވާ ކޭޝް ކާޑެއް ބޭނުން ކޮށްގެން ފައިސާ ނެގި މީހަކު ހޯދަނީ

މި ވީޑިއޯއިން ފެންނަ މީހަކީ ވަގަށް ނަގާފައިވާ ކޭޝް ކާޑެއް ބޭނުން ކޮށްގެން ބޭންކް އޮފް މޯލްޑިވްސްގެ އޭޓީއެމް މެޝިނަކުން ފައިސާ ނަގާފައިވާކަމަށް ފުލުހުންނަށް ހުށަހެޅާފައިވާ މައްސަލައަކާ ގުޅިގެން ހޯދަމުންދާ މީހެއް ކަމަށެވެ.

ވީމާ މި ވީޑިއޯއިން ފެންނަ މިހާ އާބެހޭ އެއްވެސް މަޢުލޫމާތެއް އެނގިވަޑައިގަންނަވާ ފަރާތެއްވާނަމަ އެމަޢުލޫމާތެއް މޯލްޑިވްސް ޕޮލިސް ސަރވިސްގެ ހޮޓްލައިން ނަމްބަރު 3322111 އަށް ނުވަތަ އިކޮނޮމިކް ކްރައިމް ޑިޕާޓްމަންޓުގެ ނަމްބަރު 9790048 އަށް ގުޅުއްވައި ހިއްސާކުރެއްވުން އެދެމެވެ.

ރާއްޖޭގެ ރަށަކުން ނަމަ އެރަށެއްގެ ޕޮލިސް ސްޓޭޝަން މެދުވެރިކޮށް އަދި ޕޮލިސް ސްޓޭޝަން ނެތް ރަށެއްގެ ނަމަ އެރަށެއްގެ ކައުންސިލް އިދާރާ މެދުވެރިކޮށް ފުލުހުންނަށް އެމަޢުލޫމާތު އަންގަވައި ދެއްވުން އެދެމެވެ.

މިފަދަ މަޢުލޫމާތު ފުލުހުންނާ ހިއްސާކުރާ ފަރާތްތަކަށް ލިބިދޭންޖެހޭ ރައްކާތެރިކަން ފޯރުކޮށްދޭނެކަމުގައި ދަންނަވަމެވެ. އަދި މިފަދަ މީހުން ހޯދުމުގައި އާއްމު ރައްޔިތުންގެ ފަރާތުން ފުލުހުންނަށް ލިބެމުންދާ އެއްބާރުލުން ފާހަގަކޮށް މިފުރުޞަތުގައި ޝުކުރު ދަންނަވަމެވެ.

ފުލުހުން ޢާއްމު ކުރި ވީޑިޔޯ ބެއްލެވުމަށް . . .