އައްޑޫ ސިޓީ ހިތަދޫގައި ހިންގަމުންދާ ނޫރުލްއިސްލާމް ޖަމްޢިއްޔާގެ ފަރާތުން އިންތިޒާމްކޮށްގެން ޝައިހް އިލްޔާސް ޙުސައިންގެ ޚާއްޞަ ދަރުސެއް ބޭއްވުމަށް ހަމަޖައްސައިފި އެވެ.
އެ ޖަމްޢިއްޔާގެ ރައީސް ޝައިޚް މުހައްމަދު އަނީލް މަޢުލޫމާތު ދެއްވި ގޮތުގައި މި ދަރުސް އޮންނާނީ ސެޕްޓެމްބަރ 14 ވާ ހުކުރު ދުވަހުގެރޭ އިޝާ ނަމާދަށް ފަހު ހިތަދޫ މަސްޖިދުއްޛިކުރާގަ އެވެ. ޝައިޚް އިލްޔާސް ދަރުސް ދެއްވުމަށް ހަމަޖެހިފައި ވަނީ "ރަސޫލުﷲ ޞައްލަﷲ އަލައިހިވަސައްލަމްގެ ދިފާޢުގައި" މި މައުޟޫއަށެވެ.
މި ދަރުސް ބޭއްވުމުގެ އެންމެ ބޮޑު މަޤްޞަދަކީ ރަސޫލުﷲ ޞައްލަﷲ އަލައިހިވަސައްލަމްގެ ސީރަތް ވީހާވެސް ބޮޑަށް ހާމަކޮށްދީ، ހުޅަނގުން އިސްލާމްދީނަށް ފުރައްސާރަކޮށް ހިންގާ ޢަމަލުތަކުގެ ޙަޤީޤަތް އާންމުންނަށް އަންގައިދިނުން ކަމަށް ނޫރުލްއިސްލާމުން ބުންޏެވެ.
މި ދަރުސްގައި ވީހާވެސް ގިނަ ބަޔަކު ބައިވެރިވުމަށް ނޫރުލްއިސްލާމް ޖަމްޢިއްޔާއިން އެދެ އެވެ.
ކޮމެންޓް (0)
ލޯޑް ކުރަމުން...