މުބާރަކަށް ކޯޓުން ހުކުމް ޢިއްވަނީ، ފޮޓޯ:ބީބީސީ
މިދިޔަ އަހަރު މިސްރުގައި ކުރިޔަށްދިޔަ މުޒާހަރާތަކާއި ގުޅިގެން އެޤަޢުމުގެ އެތައްސަތޭކަ ބަޔަކު މަރާލާފައިވާކަމަށް ސާބިތު ވާތީ މިސުރުގެ ކުރީގެރައީސް ހުސްނީ މުބާރަކް ޢުމުރަށް ޖަލަށްލުމަށް ކޯޓުން ޙުކުމް ކޮށްފިއެވެ.
ޙުސްނީ މުބާރަކާއި މެދު މިފަދައިން ހުކުމް ކޮށްފައިވަނީ މިދިޔަ އަހަރު އެޤައުމުގެ ރައްޔިތުން ނުކުމެ 18 ދުވަސް ވަންދެންކުރި މުޒާހަރާތަކުގައި 900 މީހުން މަރާލުމުގައި ހުސްނީ މުބާރަކްގެ ދައުރުއޮތްކަމަށް ސާބިތުވެފައިވެފައިވާތީކަމަށް އަލްޖަޒީރާއިން ހާމަކުރެއެވެ
މުބާރަކްގެ އިތުރުން އޭނާގެ ސަރުކާރުގެ އިންޓީރިއާ މިނިސްޓަރު ޙަބީބް އަލްޢަދްލީ މައްޗަށްވެސް ޢުމުރަށް ޖަލަށްލުމަށް ވަނީ ޙުކުމް އިއްވާފައިވެއެވެ.
ޙުސްނީ މުބާރަކްއަށް މިޙުކުމް އިއްވުމުން މިސުރުގެ އެކިހިސާބުތަކުގައި މިހާރު ދަނީ އެކަމާއި އުފާފާޅުކުރަމުންނެވެ.
ހުސްނީ މުބާރަކް ވަނީ މިސްރުގެ ކުރީގެ ރައީސް އަންވަރު ސާދާތުގެ ވެރިކަން އިންގިލާބަކުން ވައްޓާލުމަށްފަހު 30 އަހަރު އެޤަޢުމުގައި ވެރިކަން ކޮށްފައެވެ.މުބާރަކްގެ ވެރިކަން ވެއްޓިފައިވަނީ މިދިޔަ އަހަރު އެޤަޢުމުގެ ގިނަ ރަތްޔިތުންތަކެއް މުބާރަކާއި ދެކޮޅަށް ކުރަން ފެށި ސިލްސިލާ މުޒާހަރާ ތަކެއްގެ ސަބަބުންނެވެ.
ކޮމެންޓް (0)
ލޯޑް ކުރަމުން...