ޗޮކްލެޓް ބޯލްސް

ބޭނުންވާތަކެތި

1 ކޭކު ފުށްޕެކެޓް

3 ބިސް

2/1 ޖޯޑު ތެޔޮ

1 ޖޯޑު ފެން

1 ޕެކެޓް ޑާރކް ޗޮކްލެޓް

ސްޕިންކްލް

ހައްދަވާނެގޮތް

ކޭކު ފުށްޕެކެޓް، ބިސް، ތެޔޮ އަދި ފެންފޮދު އެތެރެފުން އެއްޗެއްގެ ތެރެއަށް އަޅާފައި އޮމާންވަންދެން ގިރާށެވެ. ޓްރޭގައި ފޮއިލް އަތުރާލުމަށްފަހު ޓްރޭތެރޭގައި ރަގަޅަށް ތެޔޮ ހޭކުމަށްފަހު ފުށްގަނޑު ޓްރޭ ތެރެއަށްއަޅައި އަވަނުން ފިހެލާށެވެ. އެއަށްފަހު ޑާރކް ޗޮކްލެޓް ދިޔާ ކޮށްލާށެވެ. ކޭކު ހިހޫވުމުން ދިޔާކުރި ޑާރކް ޗޮކްލެޓްގެ އެއްބައި އަޅާ ރަގަޅަށް މޮޑެލާށެވެ. އަދި އެއަށްފަހު މޮޑުނު ފުށްގަނޑުން ކުދި ކޮށް ގުޅަ ހަދާށެވެ. ހުރިހާ ކޭކު ގުޅަތައް ނިމުމުން ކޮނމެ ގުޅައެއް ވަކިން ބާކީހުރި ޗޮކްލެޓްގެ ތެރެއަށްލުމައްފަހު ނަގާ އެއްގުޅަ އަނެއްގުޅައާ ނުޖެހޭ ގޮތައް އަތުރާލާށެވެ. އެއައްފަހު ގުޅަތައް މައްޗަށް ސްޕިންކްލް އަޅާށެވެ.